Пожар во голема трафостаница во близина на Токио, која ја води компанијата Ист Јапан Раиваи предизвика денеска прекин на снабдувањето со електрична енергија, принудувајчи го операторот привремено да ги запре возовите на бројни линии во градското подрачје на Токио, соопшти компанијата.

Прекинот на струјата погоди 236.000 луѓе, а пожарот е ставен под контрола и никој не е повреден, пишува Кјодо.

Причината за пожарот се уште се истражува, а полицијата соопшти дека е уништена просторијата во која се наоѓаат трансформаторите внатре во станицата.