ВИДЕО | Тинејџерки во Иран уапсени зошто танцувале во јавност: Биле принудени да снимат извинување на истото место
На Меѓународниот ден на жената пет тинејџерки решиле да снимат забавно видео на кое танцуваат со цел да го споделат на социјалните мрежи. Девојките го снимиле видеото на осми март, танцувајќи пред зграда во предградието на Техеран, Иран на хитот „Calm Down“ на Селена Гомез и нигерискиот пејач Рема. На видеото младите девојќи се облечени во панталони и кратки блузи, а притоа ниту една од нив не носи хиџаб. Неносењето хиџаб и прикажувањето на гол дел од телото се нелегални според иранскиот закон.
@thedriman #dance #dancing #calmdown ♬ Calm Down – Rema
Тинејџерки биле уапсени кога биле забележани од полицијата дека снимаат видео за на „ТикТок“, а притоа биле принудени на истото место да снимат друго видео, со кое ќе покажат дека се каат за своите постапки. Во второто видео девојките носат хиџаб и упатуваат јавно извинување. Полицијата користела снимки од надзор и ги испрашуваше чуварите на станбениот блок за да ги пронајде тинејџерките, пишува „Fox News“.
Видеото за рекордно време стана вирално, но, наместо да дејствува како одвраќање, инцидентот доведе до бран други видеа од други девојки, кои ја реплицираа оригиналната кореографија на истата песна.
@la.repubblica Sono diventata famose in tutto il mondo le cinque ragazze iraniane che, a capo scoperto, hanno ballato sulle note di “Calm Down” di Rema e Selena Gomez davanti a due palazzoni grigi nel quartiere di Ekbatan a Tehran, in occasione della Giornata internazionale della donna dell’8 marzo. A seguito della provocazione contro il regime (in Iran alle donne è proibito ballare e scoprire il capo in pubblico), sono state fermate, trattenute per 48 ore e costrette a girare un video, nello stesso luogo del primo, in cui dichiarano di essersi pentite del loro gesto. Il loro video però è ormai diventato virale e ha portato tantissime ragazze iraniane a replicarlo: anche loro ballano “Calm Down” in casa o in strada, senza hijab, in segno di solidarietà. #iranprotests #iran #teheran #mahsaamini #CalmDown ♬ suono originale – la.repubblica
Инцидентот се случи по големите протести во Иран кон крајот на минатата година по сомнителната смрт во полицискиот притвор на Махса Амини, која беше уапсена поради неправилно носење хиџаб. По нејзината смрт, жените беа снимени како ги палат своите хиџаби на улица или ги соблекуваат во знак на протест против режимот во Иран.
