Доминик Тим со победа го започна Завршниот мастерс во Лондон. Австриецот во првото коло од групата „Лондон 2020“ му се реваншираше на Гркот Стефанос Циципас за поразот во финалето минатата година.

Третиот тенисер на светот после голема борба и повеќе од два часаигра, славеше со резултат 2:1 во сетови 7:6 (5), 4:6 и 6:3.

Revenge is sweet ?

After last year’s final defeat, @ThiemDomi turns the tables on Tsitsipas – winning the opening Group London 2020 match 7-6 4-6 6-3!#NittoATPFinals pic.twitter.com/W0q9wzCwml

— Tennis TV (@TennisTV) November 15, 2020

Тим не дојде во најдобра форма на завршниот турнир. Откако во септември го освои „УС Опен“, својот прв грен слем трофеј, не се прослави во понатамошниот дел од сезоната.

На „Ролан Гарос“ беше елиминиран во четвртфиналето, а во истата фаза го заврши и настапот на турнирот во Виена.

Во истата група вечерва од 21.00 часот силите ќе ги одмерат Рафаел Надал (Шпанија) и Андреј Рубљов (Русија).

ВИДЕО: Крунисан во Лондон, Ѓоковиќ најдобар тенисер на светот!