ВИДЕО | Тасевски: Тешко е да се игра без публика, но се адаптираме
Пандемијата како што прави проблем во целокупниот општествен живот така прави и во спортот. Тешко е да се игра без публика, но со оглед на малата посетеност на стадионите ова и не е нешто ново. Но се адаптираме и на ваков начин на игра и се надеваме дека во пролет ситуацијата ќе се смени на подобро имајќи предвид дека ФК Македонија Ѓорче Петров има и не така лоша посетеност, изјави во „Утрински брифинг“ на „Слободна Тв“, тренерот на ФК Македонија Ѓорче Петров, Жикица Тасевски.
-ФК Македонија Ѓорче Петров е клуб со традиција, кој освојувал шампионски и клуб титули. Амбиции секогаш има. Но да бидам реален дека во однос на ФК Шкендија и ФК Шкупи имаме поскромен буџет, поскромни финансиски услови. Мислам дека клучот за досегашниот успех е што почнавме без особен притисок и од натпревар во натпревар играме подобро. Би ја истакнал и атмосферата во клубот, која е одлична. Секако ред, работа и дисциплина е неминовна алатка за успех, вели Тасевски.
Целиот разговор со Жикица Тасевски проследете го во видеото.