Поразително е што и по сто и десет години од првиот марш предводен од Клара Цеткин во 1910 година сѐ уште се зборува за правата на жените. Во 21 век сѐ уште зборуваме за родово базирано насилство, социјална и економска нееднаквост. Ги охрабрувам жените да се борат за своите права, ги охрабрувам сите свои способности и капацитети да ги развиваат и да достигнат ниво на реализација и лична сатисфакција во таа насока, вели за Утрински брифинг пратеничката Лидија Тасевска по повод денешниот меѓународниот празник на жената.

– Горда сум што припаѓам на социјалдемократското семејство со високо сензитивно раководство, кое што ги препозна капацитетите на жената и во претходниот период покажа дека верува во жената и токму затоа имаме голем исчекор на овој план, вели Лидија Тасевска, пратеничка од редовите на СДСМ.