ВИДЕО: Судан се празни, над 200.000 луѓе избегаа од пеколните војни, за тие што останаа нема храна
Околу 200.000 луѓе побегнаа од Судан за да ги избегнат смртоносните борби што избувнаа во средината на април, додека неколку стотици илјади се внатрешно раселени, соопштија денеска ОН.
Улиците во градовите низ Судан се празни.
Pray for #Sudan
It’s not even safe inside your own house. pic.twitter.com/q5K7A8dmhP— Mohamed Abdulwahab (@MohamedAbdulwa) May 9, 2023
Од своја страна УНИЦЕФ соопшти дека изгорела фабрика во Картум, што произведува голем дел од храната за суданските деца кои страдаат од најтешката форма на неисхранетост. Пожарот ги уништил машините, поради што производството е целосно прекинато.
Судирите во Судан избија на 15 април меѓу суданската армија и паравоените единици предводени од двајца ривалски генерали. Во насилствата досега загинаа повеќе од 750 луѓе, вклучително и цивили, додека околу 5.000 се повредени. Суданците бегаат во соседните земји, а во последните денови околу 30.000 избегаа во Чад.