ВИДЕО: Страшен пожар во Далмација, евакуирано населението, војници им помагаат на пожарникарите
Страшен пожар избувна во близина на хрватскиот приморски град Шибеник, а поради силниот ветер, огнот се прошири и низ неколку населени места, пренесуваат хрватските медиуми.
Strašni požari u Dalmaciji. U Zatonu kod Šibenika naša je ekipa snimila kako vatra zahvaća toranj crkve. Više na: https://t.co/DEpuQbSHxV pic.twitter.com/r0ReGKoP2x
— TV N1 Zagreb (@N1infoZG) July 13, 2022
На терен пожарот го гасат над 150 пожарникари со 40 возила, а уште четири противпожарни авиони се борат против пламените јазици. Хрватската војска исто така им помага на пожарникарите во гаснењето.
Хрватските медиуми пишуваат дека е наредена евакуација на населението, а дел од луѓето биле спасувани со бродови. Локалните власти издадоа повик до сите полнолетни жители на областа да се вклучат во гасењето.
Огромниот пожар зафатил и една црква, а повеќе детали се очекуваат во следните часови.
Наскоро се очекува да пристигне и премиерот Андреј Пленковиќ со дел од министрите.