ВИДЕО | Стојановска: Карпош е една од најзатворените општини, имавме многу советнички прашања, добивме малку одговори
Сите велат дека Општина Карпош е урбана, отворена, напредна општина, но од аспект на добивање на информации, искрено да ви кажам, таа е една од најзатворените општини, изјави во Утрински брифинг Татјана Стојановска, независен советник во Општина Карпош.
Таа вели дека многу тешко се добиваат информации.
– Одржавме девет седници, во нив имавме многу советнички прашања поставено, со инсистирање добивме одговор на неколку, но е не и на сите. Еве конкретно Снимање во живо на седниците, се е направено, и во март прашав, рекоа дека се е направено, а сега е мај и се уште немаме седници во живо, вели Стојановска.
– Нас не доживуваат како непријатели, натрапници. Влеговме во Советот поради тие ДУП-ови. Ние сме за планирање на општината и тие се повлекоа и не ни даваат доволно информации. Инсистираме да се знае бројот на вработени, но не е изложено јавно кој што работи, а веќе има новопримени. Не сакаат да им водиме евиденција што прават и ги боли тој момент, вели Стојановска.