ВИДЕО: Српските баскетџии четврти пат по ред се европски шампиони
Репрезентацијата на Србија во баскет 3×3 ја одбрани европската титула откако во финалето во австрискиот Грац со 21:14 триумфираше над Летонија.
За српската селекција играа Дејан Мајсторовиќ, Страхиња Стојачиќ, Михаило Васиќ и Марко Бранковиќ.
Србија четврти пат по ред станува најдобар на Стариот континент, во историјата на ова натпреварување во машка конкуренција по еден трофеј имаат Романија, Словенија и Летонија.
Во борбата за третото место триумфираше Холандија со резултат 21:10 против селекцијата на Литванија.
Потсетување дека Србија е и актуелен светски шампион во баскет 3×3. Кај жените на ЕП во Грац златниот медал го освои Франција која со 21:14 беше подобра од Холандија, а третопласирана е Полска откако забележа победа над Шпанија со 16:13.
🎉🇷🇸🏆 SERBIA ARE YOUR 3×3 EUROPE CUP 2022 WINNERS🏆🇷🇸🎉#3x3Europe | @KSSrbije pic.twitter.com/nPsks6axLa
— FIBA3x3 (@FIBA3x3) September 11, 2022