Денеска продолжија натпреварите од квалификациите за Светското првенство, репрезентацијата на Србија во својот трет меч ја забележа и втората победа откако со 1:2 триумфираше над Азербејџан.

После првото полувреме на Олимпискиот Стадион во Баку водеа Србите со голот на Митровиќ во 16 минута од средбата. Домаќините успеаја да израмнат од пенал во 59 минута, сигурен од белата точка беше Махмудов.

Конечниот епилог беше поставен во 81 минута, Митровиќ го постигна и вториот гол после асистенцијата на Милинковиќ-Савиќ.

На табелата во квалификациската гурпа „А“ моментно играчите на селекторот Драган Стојковиќ – Пикси се на првото место со седум бодови.

Да додадеме уште дека Кипар во рамките од квалификациската група „Х“ направи изненадување совладувајќи ја Словенија (1:0) со погодокот на Питас во 42 минута.