ВИДЕО | Спилберг режираше музички спот со својот мобилен телефон: Погледнете го ова дело на оскаровецот
Познатиот американски режисер Стивен Спилберг за првпат во кариерата режираше спот за новиот сингл на Маркус Мамфорд, фронтменот на групата „Mumford & Sons“, објавија американските медиуми.
Во понеделникот, музичарот на својот инстаграм – профил објави дека видеото за новиот сингл ќе го режира никој друг туку оскаровецот Стивен Спилберг.
View this post on Instagram
Интересно е тоа што Спилберг го користел само својот телефон за снимањето, додека му се придружила неговата сопруга Кејт Капшо, која е продуцент, како и продуцентката Кристи Мекоско Кригер, која работи со Спилберг од доцните 1990-ти.
„Во неделата на 3-ти јули, во една средношколска сала во Њујорк, Стивен Спилберг го режираше своето прво музичко видео на својот телефон“, напиша Мамфорд покрај трите црно-бели фотографии од снимањето, додавајќи: „Не можам доволно да ви се заблагодарам Кејт и Стивен“.
Стивен Спилберг е еден од највлијателните режисери на денешницата. Добитник е на три Оскари и награда за животно дело.