Во спектакуларен натпревар и 120 минути игра, селекцијата на Шпанија успеа да се созеде од шоковите поради најбизарниот автогол во историјата на Европските првенства, но и од двата гола во завршницата на натпреварот, и на крајот да обезбеди пласман во четвртфиналето. „Фуријата“ славеше со 5:3 над Хрватска во најдобриот натпревар досега на ЕП.

Шпанците натпреварот го започнаа во препознатлив стил, ја контролираа топката, но први кои се радуваа беа Хрватите и тоа по заслуга на самата „црвена фурија“. Имено, во 20. минута Педри од половина терен кон сопствениот голман Унаи Симон кој несмасно реагираше и Шпанците си го постигнаа најбизарниот автогол во историјата на Европските првенства.
Сепак, Шпанците брзо се созедоа по шокот и во 38 минута преку Сарабија дојдоа до израмнување.

Во второто полувреме, Азпиликуета и Феран Торес погодија за 3:1 за Шпанија и кога сите помислија дека натпреварот е готов и „фуријата“ ќе игра во четвртфиналето, се разбудија Хрватите.
Прво Мислав Оршиќ во 85 минута намали на 3:2, а во втората минута од судиското продолжение Марио Пашалиќ донесе израмнување и го однесе натпреварот во продолженијата.
Во дополнителното време, Хрватска имаше две одлични шанси преку Оршиќ и Крамариќ кои не ги искористија по што ги стигна казната. Прво Мората во 100 минута погоди за 4:3, а три минути подоцна Ојарзабал го постави конечниот резултат и ја однесе Шпанија во четвртфиналето.
Противник на Шпанците во четвртфиналето ќе биде подобриот од вечерашниот дуел помеѓу Франција и Швајцарија.