Летечки автомобили од кинескиот производител на електрични возила „Кспенг“ се судрија во воздух за време на пробен лет на аеромитинг во градот Чангчун, повторно отворајќи прашања за безбедноста на технологијата, пренесе „Блумберг“.

Според „Кспенг Аерохт“, стартап компанија која стана подружница на „Кспенг“ во 2020 година, едно од таканаречените „електрични возила за вертикално полетување и слетување“ (ЕВТОЛ) по судирот се запалило при слетувањето, додека другото успеало безбедно да слета.

На снимка објавена на социјалните мрежи се гледаат повеќе противпожарни камиони како итаат кон местото на несреќата.

Flying Car collision in China raised safety concerns for eVTOL Industry for the Urban Air Mobility (UAM) networks while confronting real-world risks.

The flying car collision in Changchun shocked a crowd during an airshow rehearsal on September 16, raising questions on… pic.twitter.com/FdXmJeLtVK

— FL360aero (@fl360aero) September 17, 2025

Според кинеските власти, никој не бил повреден во инцидентот.

Кина долго време промовира визија за таканаречената „економија на ниска надморска височина“, што би ѝ користело на индустријата ЕВТОЛ и би го поттикнало масовното усвојување на летечките автомобили. Сепак, остануваат прашањата за безбедноста и сигурноста на летачките возила што треба да превезуваат луѓе на кратки растојанија, а се предвидува дека многу од нив ќе бидат без пилоти, пишува „Блумберг“.