ВИДЕО | Со феминистичка слем поезија младите го креваат гласот против омразата кон жените

Младинската организација за едукативен развој „Еквалис“ за 7 март најавува онлајн слем на феминистичка поезија, кој ќе биде фокусиран на младите жени и девојки коишто ќе ги артикулираат своите незадоволства кон мизогинијата во општеството, сексуалното вознемирување на јавните простори и патријахалните ограничувања на слободата на жените.

„Со оваа кампања сметаме дека ќе се помогне во подигнувањето на свеста за проблемите и предизвиците со коишто жените секојдневно се соочуваат. Кампањата вклучува повеќе различни активности во кои ќе учествуваат млади луѓе од сите родовои, таа не е наменета исклучиво за младите девојки. Ја избравме формата на слем поезија затоа што изминатава есен и зима работевме со слем поезија како алатка, школата ја водеше Елена Пренџова, која е поетеса и слемерка и феминистка реализиравме обука за феминизам и слем поезија па оттаму произлегоа многу добри слем изведби, кои ги изведувавме на јавен простор.

Тие се директни и остри затоа што таков е и односот кон жените кој се манифестира преку мизогинија, сексизам и буквално мразење на жените. А видовме дека откако почна пандемијата во краток период се случија и неколку фемициди, така што овие прашања се сериозни и не’ засегаат сите, не само жените. Сите овие активности, во голема мера се инспирирани и од случајот „Јавна соба“ и дополнително од секојдневните приказни што ги слушаме од младите девојки. А истото се гледа и на социјалните мрежи каде секојдневно сведочиме на разни навреди кон жените со цел да се намали нивното значење, да се објективизира нивното тело, да се ограничи нивната слобода во секоја смисла, како сексуална, така и емотивна, психолошка, а и во јавната сфера се користат сите можни начини да се пригуши и намали влијанието на жената во општеството’, вели Елена Данева од „Еквалис“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот