ВИДЕО: Словенија подобра од Србија, шоу на Дончиќ и Јокиќ во Љубљана
Словенечката кошаркарска репрезентација во Љубљана во пријателски натпревар, како подготовка за Европското првенство, ја совлада репрезентацијата на Србија со резултат 97:92.
Салата „Стожице“ беше преполна, навивачите направија спектакуларна атмосфера, а на паркетот големите НБА ѕвезди се погрижија вистински да уживаат во кошарката.
Свое шоу имаа Лука Дончиќ (Словенија) и Никола Јокиќ (Србија) кои одиграа навистина феноменално и ја воодушевија публиката.
На овој меч се истакна Дончиќ, за 35 минути на паркетот, кошаркарот на Далас постигна 34 поени, имаше девет асистенции и пет скока.
Од друга страна, исто така Јокиќ брилјираше, МВП на НБА лигата за 33 минути имаше 26 поени, 12 скока и шест асистенции.