ВИДЕО: Сити лесно излезе на крај со Арсенал во Лига купот

epa08900137 Gabriel Jesus of Manchester City (R) scores his team's opening goal during the Carabao Cup quarter final match between Arsenal FC and Manchester City in London, Britain, 22 December 2020. EPA-EFE/NEIL HALL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

Фудбалерите на Манчестер сити се пласираа во полуфиналето на Лига купот откако со 4:1 го декласираа Арсенал.

Манчестер сити го продолжува походот кон одбраната на трофејот во Лига купот и последната пречка, Арсенал, ја совладаа со убедливи 4:1. Пресуден момент на натпреварот беше големата грешка на голманот на „топчиите“ Рунарсон за гол на Марез за 2:1.

„Граѓаните“ поведоа уште во третата минута преку Габриел Жесус кој по центаршутот на Зинченко, највисоко скокна и ги надмудри тројцата дефанзивци на Арсенал. Резултатска неизвесност внесе Александре Лаказет со голот во 31. минута.

Трагичар на натпреварот е голманот на Арсенал, Рунарсон кој направи почетничка грешка во 53. минута. Марез изведе слободен удар и иако изгледаше дека тоа ќе биде лесна задача за Рунарсон, топката му избега од рацете и заврши во неговата мрежа. Само шест минути подоцна Фил Фоден донесе водство од 3:1, а конечниот резултат го постави Ејмерик Лапорт во 72. минута.

Претходно, Брентфорд направи вистинско изненадување и го совлада Њукасл со 1:0 и обезбеди пласман во полуфиналето.
Утревечер се играат преостранатите два четвртфинални натпревари и во нив се среќаваат Стоук – Тотенхем, односно Евертон – Манчестер јунајтед.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот