Тренерот на Дејан Георгиевски, Дарко Костовски го најавува доаѓањето на олимпискиот вицешампион во таеквондо за в четврток (29 јули) во 19.30 часот, а истата информација ја споделува и Македонската Таеквондо Федерација.

– Утре четврток 19.30 часот, сите на плоштад, до Порта Македонија. Кој сака може да дојде и на аеродром утре четврток во 14.30 часот.

Ве чекаме сите што бевте со нас и што навивавте!!! Да го споделиме сите ова видео да дознаат сите луѓе во Македонија!!! За Македонија – напиша Д. Костовски.

– Тренерите на Георгиевски се откажуваат од премијата доделена од Владата

Денеска Владата парично го награди историскиот успех на Георгиевски на Олимписките игри за таеквондистот и тренерите.

– Владата доделила 20.000 евра за македонската спортска икона Дејан Георгиевски и 10.000 евра за тренерите.

Мојот брат Борче Костовски и јас како тренери на олимпискиот сребрен медалист Дејан Георгиевски, апсолутно се откажуваме од премијата што е доделена за нас, секако таа целосно треба да биде насочена кон олимпискиот вицешампион, новата македонска гордост!

За нас како тренери во овие моменти доволен е олимпискиот историски сребрен медал (СО ЗЛАТЕН ОТСЈАЈ)! ЗА МАКЕДОНИЈА ! – објави Д. Костовски.