ВИДЕО | Силно невреме ги зафати Италија и Австрија: Уништени се куќи и автомобили, а има и повредени

Фото: Твитер

На северот од Италија денеска беснеше невреме, што попладнево се разви во пороен дожд и град, наведоа италијанските медиуми.

Во текот на попладнево дојде до развој на суперќелии со уништувачка моќ,  а најлошо беше во околината на Парма, каде паѓаа големи парчиња мраз, што предизвика огромна материјална штета.

Поради мноштвото уништени и оштетени автомобили, автопатот од Парма кон Пјаченца неколку часа беше блокиран, јавија италијанските медиуми.

Австриските медиуми јавуваат и дека две покраини, Горна и Долна Австрија, вчера вечерта исто така биле зафатени од силно невреме. Град со големина на тениски топчиња уништил повеќе од 120 покриви на куќи во градот Кремс.

Повеќе автомобили се оштетени, а медиумите јавуваат и дека неколку луѓе се полесно повредени. Поплавени се бројни гаражи и подруми, срушени се дрвја а делови од земјата останале без струја.

Видео на денот