ВИДЕО | Шурбе: Програмата на 21. ОФФ Фест е лепеза на интересни и возбудливи музички примери од целиот свет

Костадин Шурбановски Шурбе
Костадин Шурбановски Шурбе/Фото: Слободен печат

На први јуни стартува 21. издание на ОФФ-Фест 2022 ќе се одржува во Националната опера и балет и во МКЦ. Влезниците се пуштени во продажба и може да се купат и онлајн и на билетарниците.

– Се враќаме по две годишно изместување од редовниот термин поради пандемијата и некои други причини. Артистите се супер. Од Мали, Бразил, Колумбија, Италија, Гана, Кабо Верде. Имаме егзотични артисти и ОФФ Фест е секогаш освежување на оние што сакаат да слушнат нешто поинакво, од другите земји и тоа да го доживеат на вистинскиот начин во живо на концерт. Карактеристично овој пат е и документарниот филм кој зборува за конгоанската румба којшто доби и многу признанија, а ексклузитивитет е лауреатот на фестивалот од Мали, вели Костадин Шурбановски Шурбе.

На први јуни ОФФ Фест стартува со македонска вечер на која ќе настапи извонредниот македонски етно состав Перија, како и маестралниот тандем Добрила&Дориан дуо, со домашна концертна премиера на музичкото ремек-дело, албумот „Апокриф“.

Втората вечер публиката може да ужива во звуците на африканска кора преку мајсторството на Балаке Сисоко од Мали, а потоа и настапот на гитаристот и композитор Лукас Сантана, еден од клучните и најжешки актери на бразилскиот нов бран.

Третата фестивалска вечер (3 јуни) е резервирана за електро-психоделичниот музички огномет на колумбиските тропски велемајстори Лос пиранас. На овој настап ќе му претходи прикажувањето на ланската сензација – документарниот филм “The Rumba Kings”, посветен на конгоанската румба.

Последната вечер од фестивалот на 4 јуни, настапува италијанската пејачка Мариа Мацота, потоа Ненси Виера од Капо Верде и колективот Сантрофи од Гана.

– Програмата е конципирана да биде пошарена и опфаќа повеќе континети, земји и жанрови, лепеза на интересни и возбудливи музички примери од целиот свет. Постерот е дело на нашиот еминентен дизајнер Зоран Кардула. Идејата е да презенитраме музика која луѓето не ја слушнале кај нас досега. Сакаме да ја изненадиме публиките Сакаме во Скопје да донесеме артистит кои во светот се познати и признаени но кај нас од добропознати причини ретко може да се пробие таа музика и затоа ние сме тука, вели Шурбановски во гостувањето во Утрински брифинг.

Целиот разговор погледнете го во видеото:

 

 

Видео на денот