ВИДЕО: Што ли утна Сеферовиќ – имаше прекрасна шанса да ја урне Барса на „Камп Ноу“!
Во рамките од петтото коло во Лигата на шампионите во групата „Е“ без голови (0:0) на стадионот „Камп Ноу“ ремизираа екипите на Барселона и Бенфика.
Со овој бод Португалците остануваат во игра за второто место кое води во нокаут-фазата, моментно на табелата Баерн Минхен кој е прв со 15 максимални бодови, следува Барселона со седум, два повеќе од третопласираната Бенфика, а Динамо Киев кој има еден бод ќе остане на четвртата позиција.
После дуелот на „Камп Ноу“ ситуацијата на табелата можеше да биде различна, бидејќи во самиот финиш гостите имаа одлична шанса да реализираат и си заминат со голем триумф од ова гостување.
Швајцарскиот интернационалец Харис Сеферовиќ кој влезе во игра од 81 минута, во судиското надополнување (90+4`) го издрибла голманот Тер Штеген, у не му преостана ништо друго освен да ја испрати топката во мрежата, но изненадувачки шутираше покрај голот.
Seferovic with the miss of the century #UCL pic.twitter.com/H25upQNAP2
— ً (@Asensii20) November 23, 2021
Ова промашување на Сеферовиќ може скапо да ја чини Бенфика пред одигрувањето на последното коло, во кое е домаќин на Динамо и е голем фаворит, а Барса гостува кај Баерн.
ВИДЕО: Челси со лекција за Јуве – цела група „Г“ во игра за осминафинале