ВИДЕО | Што да очекуваме денес во Катар: Хрватски „нокаут“ за Белгија, Германија ќе се моли на Шпанија
Екипата на Хрватска предводена од капитенот Лука Модриќ денеска во групата „Ф“ може да и го зададе последниот удар на репрезентазијата на Белгија и со тоа да заврши мундијалот за екипата на тренерот Роберто Мартинез. Овој натпревар ќе се одржи во исто време (16:00) и со дуелот меѓу веќе отпишаната Канада и изненадувањето на првенството, тимот на Мароко.
Во групата „Е“ Ханси Флик ќе се надева дека неговиот колега Луис Енрике ќе ја победи Јапонија и дека ќе и помогне на Германија – која мора да ја совлада Костарика – да се пласира во осминафиналето.
Овие два дуела ќе се одржат во 20 часот.
Вчерашното фијаско на натпреварите меѓу Саудиска Арабија – Мексико и Полска – Аргентина ќе останат запаметени како едни од најинтересните од овој мундијал. Во претходниот термин, екипата на Франција во еден комбиниран состав загуби од Тунис, пораз кој нема многу да му значи на тренерот Дешампс, бидејќи првото место во групата му беше веќе загарантирано.
Најголемо разочарување засега на мундијалот дефинитивно е екипата на Данска, која вчера беше елиминирана од Австралија со минимални 1:0.
Останува да видиме дали репрезентацијата на Белгија ќе разочара како Данска, или ќе успеат да ја совладаат екипата на Хрватска.