ВИДЕО: Шкендија минимално поразена од Динамо Киев!
Како дел од подготовките за пролетниот дел од сезоната, денеска во Анталија во пријателски натпревар Шкендија загуби со 0:1 (0:0) од Динамо Киев.
Украинскиот гигант кој го знаеме по редовните учества во групните фази од Лигата на шампионите и Лига Европа, дојде до триумфот со голот на Леднев во второто полувреме.
Играчите предводени од Ернест Ѓока во претходните контролни мечеви ремизираа 1:1 со Кајсар Кизилорда (Казахстан), ист резултат имаа и со Зорја Луханск (Украина), а претрпеа пораз од украинската Десна (3:1).
Тетовските „црвено-црни“ се моментно првопласирани во Првата македонска лига, и најавија дека сезонава ќе се борат за шампионската титула.
Голот на Динамо Киев можете да го погледнете на видео записот: