Шест руски проектили денеска го погодиле украинскиот пристанишен град Одеса, изјави портпаролката на јужната воена команда на Украина.

На снимка која на Твитер ја објави шведскиот дипломат Карл Билд, се гледа како над градот се креваат густи облаци од црн чад.

Continued 🇷🇺 bombing of Odessa 🇺🇦 today. Their strategic intention here is very clear. Sooner or later they are intending to capture the city and incorporate it in their occupation zone. pic.twitter.com/Eo5awXX3vk

— Carl Bildt (@carlbildt) May 7, 2022

Билд во коментар на твитот вели дека е јасно која е стратегијата на Русија – да продолжи со бомбардирање на градот, кој во еден момент би бил освоен и вклучен во руската окупациска зона во Украина.

Портпаролката Наталија Хуменјук рече дека четири ракети погодиле фабрика за мебел сместена во станбен кварт, додека другите две оштетиле аеродромска писта. Информациите за жртви се проверуваат.

Портпаролот на регионалната управа на Одеса, Сергеј Братчук, претходно кажа дека регионот на Одеса го погодиле четири проектили, но дека нема жртви. Агенцијата Ројтерс наведе дека тие извештаи во моментов не може да се потврдат.