ВИДЕО: Шефот на кабинетот на Трамп – „Нема да ја контролираме пандемијата, ќе има вакцина“
Шефот на кабинетот на американскиот претседател, Доналд Трамп изјави денеска дека САД „нема да ја контролираат пандемијата“ на коронавирусот, по најавата дека со тој вирус е заразено опкружувањето на потпретседателот Мајк Пенс.
„Еве што ќе направиме. Нема да ја контролираме пандемијата, ќе контролираме тоа да имаме вакцина, терапија и други средства за ублажување на болеста“, рекол шефот на кабинетот на Трамп, Марк Медоуз за американската телевиска мрежа Си-Ен-Ен.
Медоуз додал дека вирусот е заразен како грипот.
Камала Харис која е кандидат на демократите за потпретседател на САД, веднаш ја критикуваше администрацијата на Трамп.
„Признаа неуспех. Тоа е најголемиот неуспех на администрација во историјата на Америка“, рече таа.
Трамп беше критикуван до многу заради тоа што ја минимизираше важноста на епидемијата на коронавирусот и често го споредуваше со сезонски грип. Американскиот претседател и самиот беше заразен на почетокот на месецов.
Извор: Бета.рс