ВИДЕО: Шанса која Реал и Барса не смеат да ја пропуштат, Атлетико го губи здивот
Трката за титулата во Ла Лига се вжештува по поразот на лидерот Атлетико Мадрид.
Фудбалерите на Севиља во дербито на 29. коло во Ла Лига на својот „Рамон Санчез Пицхуан“ стадион го совладаа Атлетико Мадрид со 1:0.
Со овој пораз, Атлетико буквално ја загуби големата предноста на табелата која во одреден дел од сезоната изнесуваше и 10 бодови. Но, доколку Барселона утревечер го совлада Ваљадолид, тогаш ќе дојде на само еден заостаток зад Атлетико. Исто така не треба да се отпише ниту Реал Мадрид кој има 63 бодови, само три помалку од градскиот ривал.
Со вечерашниот кикс, Атлетико не само што ја загуби предноста на табелата туку до крајот на сезоната го очекуваат тешки гостувања кај Бетис, Атлетик Билбао и Барселона и со тоа ја губи и пол позицијата во трката за титулата.
Фудбалерите на Севиља тргнаа агресивно на дербито и веќе во осмата минута пропуштија голема шанса да поведат. Иван Ракитиќ беше соборен во шеснаесетникот на Атлетико, а судијата Хил Мансано покажа на белата точка. Сепак, Јан Облак го прочита шутот на Окампос и спречи водство на Севиља.
Домашниот тим продолжи да доминира, и во првиот и во вториот дел, а наградата за одличната игра дојде во 70. минута кога Хесус Навас одлично центрираше и го пронајде Акуња кој со глава стрелаше за 1:0, резултат кој на крајот се покажа како конечен.
