Кошаркарите на Партизан одиграа фантастичен натпревар во рамките од 21. коло во Евролигата и во Франција на гости кај Асвел славеа победа од 31 поен разлика (62:93).

Партизан беше подобар противник на теренот од самиот старт и домаќините во ниту еден момент од натпреварот немаа водство, единствено израмнија во почетните минути на 5:5, а во продолжение натпреварот помина целосно во доминација на избраниците на Жељко Обрадовиќ.

По првиот период предноста на Партизан веќе беше двоцифрена (20:31).

Во вториот период „црно-белит“ со сигурна игра ја одржуваа стекната предност, па така на пауза одново имаа предност од 11 поени разлика (34:35).

E to je Partizan!!! pic.twitter.com/eNsS2raj2R

— Retro Partizan (@PartizanRetro) January 14, 2025

Второто полувреме донесе уште подобра игра на гостите од Белград, па така предноста растеше од „минута во минута“ и по третиот период на семафорот стоеше 43:74.

Стигна Партизан и до највисоки „плус 35“, а кога победникот веќе беше решен прашање беше конечниот резлтат кој на крајот гласеше 62:93.

Партизан на табелата во Евролигата се наоѓа на 13-тата позиција, само едно место зад нив е нивниот денешниот противник.