ВИДЕО: Шалке испадна од Бундеслигата по точно 30 години
Екипата на Шалке за прв пат од 1991 година испадна од најсилната германска лига.
Поранешниот германски шампион во 30. коло од Бундеслигата загуби со 1:0 на гостувањето кај Арминиија и ги загуби сите шанси за опстанок. Голот кој го испрати Шалке во Цвајта го постигна Клос во 50. минута, а истиот играч во финишот промаши пенал.
Шалке уште на крајот од минатата сезона западна во големи финансиски проблеми поради кои си заминаа најдобрите фудбалери, па не чуди тоа што оваа сезона, екипата во 30 натпревари во Бундеслигата оствари само две победи.
Баерн Минхен го искористи киксот на Лајпциг и по победата над Баер Леверкузен од 2:0 дојде на плус 10 на четири кола до крајот. Доколку во следното коло оствари победа на гостувањето кај Мајнц, тогаш ќе и дефинитивно ќе ја освои титулата.
Вечерва победата на баварците му ја донеса Чупо-Мотинг и Кимих со головите во седмата, односно 13. минута.
Лајпциг загуби на гостувањето кај Келн со 2:1, а човек на одлука беше Хектор кој ги постигна двата гола за домашниот тим.
Резултати:
Келн – Лајпциг 2:1
Арминија – Шалке 1:0
Баерн М. – Баер Лев. 2:0
Ајнтрахт – Аугсбург 2:0