ВИДЕО: Седум загинати во пад на филипински воен хеликопер

Филипинските власти соопштија дека седум лица денеска загинаа при пад на воен хеликоптер на југот од земјата.

Хеликоптерот со седум лица во него се урна додека носеше залихи за силите кои се борат против бунтовниците, а причина за падот очигледно е дефект на моторот, соопштија воените власти.

Поради проблеми со моторот, хеликоптерот неуспешно се обидел да изврши принудно слетување во планинска област во провинцијата Букиднон.

Во несреќата загинаа четворица припадници на воената авијација, од кои двајца пилоти, како и еден припадник на копнената војска и двајца припадници на безбедносните сили.

Филипинските владини сили се борат против комунистичките герилци низ целата земја, по неуспехот на преговорите меѓу администрацијата на претседателот Родриго Дутерте и маоистичките бунтовници.

Иако комунистичките герилци се ослабнати по повеќедецениските порази во борбите и поради внатрешните поделби, сепак, тие и натаму претставуваат закана за безбедноста на земјата. Војската соопшти дека во бунтот се активни околу 3.500 герилци.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот