Вакцината е единствено решение за оваа ужасна година и пандемија. Не се сомневам ниту малку во ефикасноста на вакцината и без двоумење се пријавив, поголема е веројатноста да ви падне саксија на глава отколку да имате компликации од вакцината, смета долгогодишниот новинар и уредник на Утрински брифинг, Сашо Орданоски.

Сепак, тој во линковското вклучување од пред СЦ „Борис Трајковски“ каде што се одвива имунизацијата на новинарите и медиумските работници, признава дека има помешани чувства.

-Сметам дека не треба многу да се размислува за изборот на вакцина, јас дури и не знам со која вакцина ќе бидам вакциниран, затоа што верувам дека сите вакцини се ефикасни. Но, и после вакцинирањето јас лично ќе продолжам со висок степен на претпазливо однсесување, што значи и понатаму ќе носам маска и ќе одржувам растојание. А токму поради одговорносто однесување, во редакцијата на Утрински брифинг немаше ниту еден случај на позитивен на Ковид-19 поради самата редакција, рече Орданоски.