ВИДЕО | Се урна зграда во Лагос од 21 кат, најмалку 50-тина луѓе се заробени
50-тина луѓе останаа заробени во урнатините откако се сруши 21-катница во Лагос. Зградата од 21 кат се урна околу 15 часот по локално време, а меѓу заробените наводно има и градежни работници. Се чека спасувачките екипи да пристигнат на местото на настанот, јави Си-Ен-Ен.
Зградата се наоѓала во богатиот градски кварт Икоџи, каде што се градат луксузни апартмани.
-Мислев дека е земјотрес, кога набрзина излегов од мојот стан нешто по 15 часот. Почувствував како зградата се движи и знаев дека нешто не е во ред, изјави за Си-Ен-Ен, Олу Апата, кој живее во близина и е претседател на нигериската адвокатска комора.
BREAKING: Several trapped, many feared dead as 21 storey building collapses in Ikoyi, Lagos, Nigeria. pic.twitter.com/oo1UoPCZFn
— Personal Blog Media News (@pbmnews) November 1, 2021
Како што вели тој, зградата била во градба во последните две години и дека инвеститорот претходно бил на средба со потенцијалните купувачи.
На видеата и фотографиите објавени на социјалните мрежи се гледа како луѓето го гледаат местото на несреќата и купиштата искршени бетонски плочи. На една снимка се гледа дека по уривањето на објектот се крена голем облак прашина кој ја прекри населбата.
21-Story Building Collapses In #Nigeria
⛑️⛑️⛑️Many people feared dead in the Ikoyi area of the capital Lagos – Credit: LASEMA, Hotgist pic.twitter.com/xIzZVX3dGA— RawNews1st🎥📰 (@Raw_News1st) November 1, 2021
