ВИДЕО: Се испотепаа чекајќи визи за Пакистан, 15 загинати во стампедо
Најмалку 15 лица загинаа во стампедо кое настанало пред пакистанскиот конзулат во Авганистан во вторникот додека илјадници луѓе чекале поднесување барање за виза, рекоа властите во источниот град Џалалабад.
Околу 3.000 Авганистанци се собрале пред конзулатот, рекоа за Ројтерс двајца покраински носители на власта, ден по трагедијата.
Пакистанските власти не издавале визи 7 месеци поради пандемијата од новиот коронавирус па се создаваат такви гужви.
Единаесет од 15-те жртви се жени, а меѓу повредените има и постари лица, изјави Сохраб Кадери, член на покраинскиот совет.
Десетици илјади Авганистанци секоја година патуваат во соседен Пакистан поради лекување, образование и работа. Двете земји делат речиси 2.600 километри долга граница.
Many killed and wounded in Afghanistan stampede as thousands gather to apply for Pakistan visas https://t.co/fErjDhGw5w
— BBC News (World) (@BBCWorld) October 21, 2020
Пакистан прими околу 3 милиони авганистански бегалци и економски мигранти кои побегнаа пред насилството, верскиот прогон, сиромаштијата во, со војна разрушената земја.
Властите во пакистанската амбасада во Кабул не биле достапни за коментар.