Со години сме жртва на неколку луѓе кои можат да се детектираат во одредени политички партии. Се соочуваме со сѐ и сешто. Ова станува дел од нашата култура и ја руши демократијата. Во индексот на демократија со години бележиме најлоша оценка токму во категоријата политичка култура. Ако зборуваме за клевети и навреди од тоа не можеме да избегнеме. Тоа се решава со подолгорочен пристап во општеството.

„Мене повеќе ме загрижува говорот на омраза и вербалното насилство, со закани од тепање, па и убиства. Тој радикален дискурс го има секаде во светот, а видовме како тоа кај нас завршува и на 27 април, а видовме и во САД со упадот во Капитол Хил. Сето тоа завршува во некаков крвав пир. Не се граѓаните и новинарите кои треба да се справат со ова, туку институциите по службена должност треба да реагираат“, изјави во Утрински брифинг советникот за култура во Владата на РС Македонија, Петрит Сарачини.

„Овој пристап мора да се промени, бидејќи овој говор на омраза станува култура, а кога станува култура нема да се употребува само кон Орданоски, Сарачини, Дерала. Ова не може да се спречи само со муабет, за тоа постојат мерки во нашиот кривичен законик и тоа е единствениот начин како може да се справиме со овие појави“, додава Сарачини. https://www.youtube.com/watch?v=EqBzP9lB0qA