Кошаркарите на Сан Антонио спарс ги победија Њујорк никс со 115:111 на гостински терен и го намалија резултатот во серијата на 2:1 во финалето на НБА лигата. Спарс им го нанесоа првиот пораз на Никс по 46 дена и потенцијално ја спасија сезоната пред публиката во Медисон Сквер Гарден, меѓу која беше и претседателот на САД, Доналд Трамп.

Никс ја прекинаа својата серија од 13 победи, втора најдолга во историјата на НБА плејофот, и пропуштија шанса да се доближат на чекор од освојување на првата шампионска титула од 1973 година.

Виктор Вембањама го предводеше Сан Антонио со 32 поени, осум скока и шест асистенции. Стефон Касл додаде 23, додека Дирон Фокс имаше 12 поени и осум асистенции.

Никсите, кои загубија за прв пат од 23 април, беа предводени од Џејлен Бренсон со 32 поени, Оџи Ануноби додаде 28, а Џош Харт имаше 16 поени и девет скока.

Четвртиот натпревар од финалето ќе се игра во среда навечер, повторно во Њујорк.