Во САД во изминатото деноноќие се регистрирани рекордни над 3.700 смртни случаи од Ковид-19 и исто така рекордни 250.000 случаи на инфекција со новиот коронавирус.

Според Министерството за здравство на САД, околу 113.000 лица во моментов се хоспитализирани поради коронавирусот, и вкупно 3.784 смртни случаи, додека бројот на починати од тој вирус го надминува прагот од 3.000 по третпат за една недела.

Здравствените експерти ја обвинуваат големата семејна прослава на Денот на благодарноста пред три недели кога милиони Американци отпатуваа да им се придружат на своите најблиски за порастот на заразените и смртните случаи. Експертите стравуваат дека ситуацијата дополнително ќе се влоши за време на претстојните празници.

Огромна кампања за вакцинација започната во понеделникот во САД нема да предизвика веднаш да се запре вирусот, бидејќи ќе поминат месеци пред да се имунизира доволно голема популација, предупредуваат експертите.