ВИДЕО: САД оддадоа почит на жртвите од ковид-19, Бајден едвај ги задржа солзите
САД оддадоа почит на повеќе од 500.000 жртви на ковид-19, а американскиот претседател Џо Бајден повика на единство во борбата против пандемијата и нареди знамињата во целата земја до петок да бидат спуштени на пола копје заради овој трагичен биланс, пренесуваат странските медиуми.
Медиумите наведуваат дека со минута молк, со 500 запалени свеќи, на скалите на Белата куќа, претседателот Џо Бајден, првата дама Џил Бајден, потпретседателката Камала Харис и нејзиниот сопруг Даг Елмхоф оддадоа почит за 500.000 Американци починати од коронавирусот, а ѕвоното на Националната катедрала во Вашингтон симболично ѕвонеа 500 пати во чест на починатите.
Претседателот Бајден и се обрати на нацијата по повод трагичниот број на жртви и повика на уште поголемо единство во борбата против пандемијата.
Today, our nation passed another grim milestone in this pandemic: 500,000 lives lost. Join us as we honor their memory. https://t.co/AzUzXoVUgb
— President Biden (@POTUS) February 22, 2021
САД вчера пријавија повеќе од 28 милиони случаи на ковид-19 и 500.264 починати, а околу 19 отсто од сите смртни случаи поврзани со пандемијата се регистрирани во САД, што се загрижувачки податоци бидејќи оваа држава содржи само четири отсто од светската популација.
– Поминавме полошо од било која друга земја, а сме многу развиени и богати. Имаме 500.000 жртви. Тоа е неверојатна бројка, изјави водечкиот епидемиолог Ентони Фаучи за телевизиската мрежа Еј-Би-Си, наведува агенцијата.