ВИДЕО: Рутинска задача за Јувентус во Џенова, Милан едвај славеше против Болоња

epa08975878 Juventus Federico Chiesa (C) jubilates with his teammates after scoring the 0-1 goal during the Italian Serie A soccer match between UC Sampdoria and Juventus Fc at the Luigi Ferraris stadium in Genoa, Italy, 30 January 2021. EPA-EFE/LUCA ZENNARO

Фудбалерите на Јувентус дојдоа до втората победа по ред во Серија А откако во 20. коло ја совладаа Сампдорија во Џенова со 0:2.

Стрелец на првиот гол беше Федерико Киеза кој во 20. минута го искористи центаршутот на Мората и лесно од петероц ја испрати топката во мрежата на Сампдорија.

Конечниот резултат го постави Арон Рамзи кој во првата минута од судиското продолжение ја искористи асистенцијата на Квадрадо и ја затресе мрежата.
Со оваа победа Јувентус се искачи на третото место на табелата со 39 бода, два помалку од второпласираниот Интер и седум од лидерот Милан, од кого има и натпревар помалку.

„Росонерите“ се намачија за да дојдат до победата од 1:2 на гостувањето во Болоња. Милан дојде во водство во 26. минута откако по промашениот пенал на Златан Ибрахимовиќ, на одбиената топка налета Анте Ребиќ и без проблеми ја смести во голот на Болоња.
На почетокот од второто полувреме, Френк Кеси од пенал зголеми на 0:2 и со тоа го реши прашањето околу победникот. Домашниот тим единствено што успеа да направи е да го ублажи поразот со голот на Андреа Поли во 81. минута.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот