ВИДЕО | Руски регрути негодуваат за мобилизацијата: „Платете ни или пуштете нѐ дома“
Група регрути на руската војска, кои неодамна биле мобилизирани, јавно негодуваа и ги повикаа властите да им платат на оние кои се мобилизирани, како што им било ветено, наводно се гледа на снимка која беше објавена од независниот портал Sota Vision.
На снимката, за која се вели дека доаѓа од регионот Омск на југозападот од земјата, се гледаат десетици униформирани регрути, од кои еден ги соопштува барањата – да ги добијат парите и бенефициите кои им биле ветени од властите, а во спротивно да бидат пуштени дома за да си ги прехранат семејствата.
Средств на выплаты мобилизованным не хватает, признались в Омской области. Власти региона договорились с военкоматами, чтобы дать время мобилизованным на переоформление бизнеса (без уточнения, на кого), сообщает ТАСС. pic.twitter.com/w8HG1BE80n
— SOTA (@Sota_Vision) October 4, 2022
„Имаме прашање. Прво: Ќе има ли плати за оние што се мобилизирани? Зборувам за материјална помош што им е потребна на нашите семејства, тие мора да јадат. Нас можат да нѐ испратат одовде и не знаеме што ќе се случи со нас. Тоа е нашето прво прашање, бидејќи знаеме дека во други региони ги плаќаат мобилизирани и сѐ е стабилно. Се разбира, се надеваме на најдоброто и подготвени сме да одиме. Тука сме, поддржувајте нѐ нас и нашите семејства“, вели мобилизираниот Русин.