Рускиот блогер Виталиј Виграновски починал по 40 дена гладување, пишува рускиот портал „NTV“.

Виграновски на својот јутјуб-канал објавил дека ќе се обиде да издржи 40 дена без храна. Експериментот го започнал во март во Москва.

По десет дена почнал да се чувствува лошо и рекол дека го нервира „атмосферата на градот“. Затоа решил да замине во Абхазија каде го продолжил својот експеримент – штрајк со глад.

По дваесет дена, како што изјавил, се чувствувал „целосно исчистен“. Во исто време, тој истакнал дека изгубил многу килограми и дека веќе нема сила за каква било физичка активност.

Сепак, решил да го продолжи експериментот, и покрај фактот дека тој „се чувствувал како да умира“.

„И како помина? Тоа е само игра што ја прифатив. Многу е интересно. Нема повеќе паразити, веќе немам желба за храна. Телото е целосно обновено, секоја клетка“, истакнал Виграновски.

Подоцна, неговите познаници на социјалните мрежи почнале да пишуваат дека блогерот починал на самиот крај од својот предизвик со глад, но точната причина за смртта сè уште не е позната.