Во неговиот 100 натпревар во дресот на Јувентус, Кристијано Роналдо придонесе во новиот триумф на својот клуб на гостувањето кај Џенова (1:3).

Џенова немаше сили за изненадување против актуелниот бранител на титулата, го претрпе и седмиот пораз и останува во зоната за испаѓање од лигата на претпоследната 19 позиција со шест бода.

Мрежите мируваа во првите 45 минута, но затоа во второто полувреме стрелците беа расположени, прво во предност дојде „Старата дама“ со погодокот на Дибала (57`).

Само четири минути подоцна домаќините израмнија преку Стураро после асистенцијата на Пелегрини.

Потоа на сцена стапи Роналдо кој забележа два голови и ги реши сите дилеми околу победникот. Од 82 минута при негатива од 1:2 во игра кај Џенова настапи македонскиот репрезентативец Горан Пандев како замена за Николо Ровела.

Cristiano Ronaldo since joining Juventus:

100 Games
79 Goals
19 Assists

Truly remarkable ? ? pic.twitter.com/e0BCMoCLi4

— Forza Juventus (@ForzaJuveEN) December 13, 2020

Кога сме веќе кај Португалецот, во досегашните 100 мечеви за Јувентус запиша 79 погодоци и 19 асистенции.

После овие три бода Јуве е на четвртото место во генералниот пласман со 23 бодови, три помалку зад водечкиот Милан кој има меч помалку. А во наредното коло на 16 декември токму „росонерите“ ќе гостуваат кај Џенова.

ВИДЕО: Елмас од клупата го гледаше пресвртот на Наполи!