Фудбалерите на Реал Сосиедад вечерва на свој терен го победија тимот на Барселона со 1:0, во натпреварот од 13 коло во шпанското првенство.

Каталонскиот тим можеше да поведе уште во 13 минута, но голот на Роберт Левандовски беше поништен по реакција од ВАР собата поради офсајд.

Во продолжение од натпреварот, тимот на Сан Себастијан постигна гол кој го постигна Сералдо Бекер во 33 минута.

Еден од најдобрите фудбалери не играше за Барса – Јамал, кој го пропушти натпреварот поради повреда на десниот зглоб.

Барселона ја прекина серијата од четири последователни победи и го забележа вториот пораз во Ла Лига оваа сезона. Каталонскиот тим е на првото место со 33 бодови, додека Реал Сосиедад е осми со 18.

Следува репрезентативна пауза, по која Барселона гостува кај Селта во Виго, а Реал Сосиедад кај Атлетик Билбао.