ВИДЕО: Реал со чекор назад, „кралевите“ во финишот избегнаа пораз!
Вечерва составот на Зинедин Зидан повторно ги разочара своите навивачи откако на домашен терен одигра само 1:1 против Реал Сосиедад во 25 коло од најсилното шпанско првенство.
На тој начин Реал Мадрид направи чекор назад во трката за шампионската титула, после петтото реми сезонава се наоѓа на третата позиција со 53 бодови, колку што има и Барселона, а водечки е Атлетико Мадрид (58).
Реал Сосиедад и натаму ја одржува борбата за едно од местата кои водат во Лигата на шампионите, моментно петтопласиран со 48 бодови.
Во следното коло Реал го очекува градското дерби против Атлетико кој вчера со 0:2 триумфираше на гости кај Виљареал.
На вечерашната пресметка на стадионот „Алфредо ди Стефано“ поведоа гостите со голот на Порту во 55 минута, а домаќините го избегнаа поразот во самиот финиш преку Јуниор Винисиус (89`).