Фудбалерите на Реал Мадрид и Осасуна одиграа 1:1 на „Сантијаго Бернабеу“ и по седмото коло во „Ла Лига“ ниту една екипа во Шпанија нема максимален учинок.

Гостите од Памплона успеаја да ја прекинат победничката серија на актуелниот шампион иако во последните 15 минути имаа играч помалку, а „кралскиот“ клуб во тој период не реализираше пенал и еден гол по проверката на ВАР беше поништен. Реал одигра многу подобро во првото полувреме, а Винисиус Јуниор им донесе водство на домаќините во 42 минута по асистенцијата на Алаба.

Но, на стартот од вториот дел следуваше непријатно изненадување за играчите на Карло Анчелоти. Кике Гарсија постигна гол по асистенцијата од Унаи Гарсија.

Унаи Гарсија кај гостите доби директен црвен картон, а Карим Бензема доби удар од белата точка, но Французинот беше непрецизен. Три минути подоцна Бензема успеа да постигне гол за голема радост на трибините но тој гол беше поништен по асистенција од ВАР собата.

Резултатот не се промени до крајот на мечот, па екипите ги поделија бодовите. Мадридскиот гигант со 19 бодови се изедначи на првото место со Барселона, која има подобра гол-разлика. Осасуна е шестопласирана со 13 бодови, колку што има и Атлетико Мадрид на петтата позиција и седмопласираниот Реал Сосиедад.