ВИДЕО | Реал Мадрид со пресврт го победи Виљареал за четвртфинале во Копа Дел Реј
Реал Мадрид е последниот четвртфиналист во шпанскиот Копа Дел Реј откако вечерва славеше против Виљареал со 2:3.
Не започна натпреварот добро за тимот на Карло Анчелоти. По само четири минути игра Капуе ја погоди мрежата на Куртоа за водство на „жолтата подморицна“. Нов шок за „кралевите“ стигна пред крајот на полувремето кога Чуквуезе зголеми на 2:0.
Ако во првото полувреме Виљареал беше подобриот тим на теренот, во вториот работите целосно се променија. Реал Мадрид во вторите 45 минути не дозволи ниту еден удар во рамките од голот на Куртоа.
Пресвртот започна во 57. минута кога Винисиус Жуниор намали на 2:1, 12 минути подоцна дефанзивецот Едер Милитао донесе изедначување. За пресврт и победа на Реал Мадрид се погрижи Себаљос во 86. минута.
Претходно денес пласман во четвртфиналето обезбеди и Барселона која без проблеми славеше против нисколигашот Сеута со 0:5.