Фудбалерите на Реал Мадрид уште еднаш демонстрираа дека со Карло Анчелоти на клупата, тие се вистинска гол машинерија.

„Кралевите“ во шестото коло од Ла Лига со 6:1 ја декласираа Мајорка, а во главната улога беше фудбалерот кој изминатиот период , Марко Асенсио.

Гол серијата ја отвори Карим Бензема во третата минута, по што на сцена стапи Асенсио кој ги постигна следните три гола во 24., 29. и 55. минута. До крајот на средбата Реал постигна уште два гола преку Бензема и Иско, додека почесниот гол за Мајорка го даде Ли Канг-Ин.

Сои убедливиот триумф, „кралевите“ се вратија на лидерката позиција на табелата со 16 бода,два повеќе од Атлетико Мадрид и шпет повеќе од Севиља.
Убедливи триумфи на домашен терен остварија и Виљареал кој со 4:1 го победи Елче како и Севиља која беше поуспешна од Валенсија со 3:1.

Резултати:
Еспањол – Алавес 1:0
Севиља – Валенсија 3:1
Реал Мадрид – Мајорка 6:1
Виљареал – Елче 4:1