После поразот во градското дерби од Реал, Атлетико Мадрид им се врати на победите во најсилното шпанско првенство. Денеска „јорганџиите“ лесно го совладаа составот на Елче со конечен резултат 3:1 во рамките на 14 коло.

Екипата на Диего Симеоне повторно е на првата позиција на табелата, има 29 бодови, три повеќе од Сосиедад, со два натпревари помалку.

„Кралевите“ предводени од тренерот Зинедин Зидан се третопласирани во генералниот пласман и меч повеќе од градскиот ривал.

На овој меч Луис Суарез двапати ја погоди мрежата на Елче, додека триумфот го потврди Диего Коста од пенал во финишот. Единственот гол за гостите го реализираше Боје во 64 минута.

Елче не успеа да остане непоразен, а интересно во последните пет дуели ремизираа четирипати и моментно се на 15 позиција со 14 бодови.