ВИДЕО: Разочаран жител на Петриња си го истури гневот врз Пленковиќ и Милановиќ
За време на посетата на Петриња, државниот врв на Хрватска наиде на гнев кај некои жители на тој град. Тие разочарани тврдат дека овој хрватски округ бил занемаруван една деценија.
Вчера државниот врв на Хрватска ја посети областа која беше погодена од разорниот земјотрес со јачина од 6,3 степени по Рихтер, во кој загинаа седум лица.
Премиерот на Хрватска Андреј Пленковиќ и хрватскиот претседател Зоран Милановиќ беа во посета на Петриња и неговата околина. За време на нивната обиколка на разурнатиот град еден човек се приближи до Пленковиќ и Милановиќ и почна да им вика. Нивното обезбедување го турнало човекот во обид да го спречи да им пријде. Но тоа, како што се гледа на видеото споделено на Твитер не им успеа.
Da li mu itko može zamjeriti? pic.twitter.com/P1IhLSiR5A
— NEODGOVORNI POJEDINAC ?EMTR☣️ (@RashoVeljkov1) December 30, 2020
„Зарем не можеше некој да закова клинец (шајка) за 30 години? Подобро ќе беше да се срушеше и ова што не се сруши. Преполно е со куршуми … “, извика човекот од лутина.
„Никој не рушеше цело време. И сега ги вадам надвор децата, дали е ова нормално?!“.
Додека човекот им викаше пред лицата на Пленковиќ и Милановиќ тие само одеа и не реагираа.