Во бранот протести што го зафати Иран по смртта на 22-годишната девојка Махса Амини, досега загинаа најмалку 41 лице, јави денеска државната телевизија.

Протести по нејзината смрт избија во повеќето од 31 провинција во Иран, објави Ројтерс.

Државните медиуми го признаа зголемувањето на официјалниот број на загинати на 17  – вклучително и петмина безбедносни службеници, објави Тајмс оф Израел.

This is how police forces in Iran treat protestors, they're protesting for their basic rights but watch this video; police forces push the girl and her head hit the street's curb.
This is the same way they killed #Mahsa_Amini
Please be our voice.#اشنویهpic.twitter.com/mChBvnyRvT

— Mahsa. (@betweenstardust) September 24, 2022

Сепак, Иранската организација за човекови права со седиште во Осло проценува дека најмалку 50 дисиденти се убиени во тековните протести, додека Амнести интернешнал го осуди „болниот модел на иранските безбедносни сили намерно и незаконски да пукаат со боева муниција кон демонстрантите“.

Групата соопшти дека прегледала видео снимка што докажува дека „само ноќта на 21 септември, најмалку 19 лица, меѓу кои најмалку три деца, биле убиени во пукање од страна на безбедносните сили“.

#Iran: Vehicles carrying Islamic Revolutionary Guards on the way to suppress the riots. pic.twitter.com/5izIwPHabM

— Igor Sushko (@igorsushko) September 24, 2022

Во саботата – еден ден откако провладините демонстранти излегоа на улиците барајќи егзекуции за оние кои протестираа против смртта на Амини – студентите на Универзитетот во Техеран се собраа и пркосно извикуваа „Смрт за диктаторот“, според видеото објавено од Центарот за човекови права во Иран.

Протестите се проширија преку границата во соседен Ирак во саботата, каде што иранските Курди во егзил, многумина носеа постери на Махса Амини, извикуваа „Жени, живот, слобода“ на демонстрациите пред базата на Обединетите нации во северниот град Ербил.

– Ние не сме против религијата и не сме против исламот“, рече демонстрантот Мејсон Маџиди. – Сакаме религијата да се одвои од политиката.

Во меѓувреме протести беа организирани и во Европа и САД.

Protest in Stockholm in solidarity with people in Iran#mahsa_amini#MahsaAmini #مهسا_امینی pic.twitter.com/ShrWgq77vU

— N fa (@Noshab_fa) September 25, 2022

Иранскиот претседател Ибрахим Раиси вчера изјави дека Иран мора „одлучно да се справи со оние кои ја поткопуваат безбедноста и мирот на земјата“, пренесува Ројтерс повикувајќи се на извештај на иранските државни медиуми.

Look how Women in Iran are Publicly assaulted & Dragged on Roads like animals😡4 not wearing Hijab. The #IranProtests2022 Revolution is d beginning of an era ✊ to eliminate such Murderer Regimes of Radical Predators#Hijab #Iran #MahsaAmini #IranProtest Iranian #IranRevolution pic.twitter.com/gaGjmadVI7

— Jyot Jeet (@activistjyot) September 25, 2022

Раиси ова го изјави за време на телефонски разговор, во кој изрази сочувство до семејството на припадникот на безбедносните сили кој беше убиен на протест минатата недела.

Раиси рече дека провладините демонстрации во Иран ја покажале целосната моќ на Исламската Република, а Ројтерс објави дека провладините демонстранти повикале на егзекуција на луѓето кои протестирале против режимот откако 22-годишна девојка починала, велат тие, од тортура од таканаречената полиција за морал.

Амини, девојка од иранската провинција Курдистан, падна во кома и почина откако беше уапсена од моралната полиција во Техеран минатата недела поради непочитување на правилата за хиџаб, што предизвика демонстрации во неколку области, вклучувајќи го и главниот град.