ВИДЕО | Рамос: Ова не е збогум, Реал секогаш ќе биде во моето срце!
Клупската легенда Серхио Рамос денеска официјално се простува од Реал Мадрид. На прес-конференцијата зборуваа претседателот на клубот, Флорентино Перез и сега веќе поранешниот капитен на екипата.
– Ова е чин полн со чувства за сите фанови на Реал, вклучувајќи ме и мене. Денеска не е лесен ден. Сето тоа е приврзаност и наклонетост. Нема да заборавам кога тој пристигна тука пред 16 години. Ти благодарам за сè што направи за овој клуб – рече првиот човек на „кралевите“, Перез.
Фудбалерот пушти солзи во својот говор, им се заблагодари на сите, особено на клубот.
🔴 𝙇𝙄𝙑𝙀: Institutional act of tribute and farewell to our captain @SergioRamos. #RealMadrid https://t.co/KLZnQgW9CG
— Real Madrid C.F. 🇬🇧🇺🇸 (@realmadriden) June 17, 2021
– Сакам да им се заблагодарам на претседателот, тренерите, соиграчите, клупските работници. Јас сум тука многу години. Невозможно е да не се возбудам. Благодарен сум на Реал Мадрид, секогаш ќе го носам во срце. Би сакал пред навивачите да се збогувам со Реал Мадрид на „Бернабеу“. Ова не е збогум. Порано или подоцна, ќе се вратам – беа зборовите на Рамос.
Рамос дојде во Мадрид од Севиља во 2005 година и освои 22 трофеи со Реал Мадрид – пет во „Ла Лига“, два во „Кралскиот куп“, по четири во Лигата на шампионите, Светското клупско првенство и Суперкуп на Шпанија и три во Суперкупот на Европа.