Нова победа за екипата на Рајо Ваљекано во најсилното шпанско првенство, остварена на домашен терен против Алмерија со резултат 2:0.

По осми пат сезонава во „Ла Лига“ мируваше мрежата на македонскиот репрезентативен голман Столе Димитриевски.

Претходно тоа се случи на натпреварите против Барселона (0:0), Еспањол (2:0), Хетафе (0:0), Севиља (1:0), Селта Виго (0:0), Реал Ваљадолид (1:0) и Виљареал (1:0).

Во денешната победа на Рајо Ваљекано Ели си постигна автогол во 54 минута, а конечниот епилог го постави Гарсија во 63 минута по асистенцијата на Палазон.

На табелата составот на Ираола по деветтата победа во шампионатот е на петтата позиција со 32 бодови и повторно е во трка за едно од местата кои водат во групите на Лигата на шампионите следната сезона. По 20 кола, води Барселона со 53 бодови, пред Реал Мадрид кој има 45, третопласиран е Реал Сосиедад (39), а на четвртото место е Атлетико Мадрид (35).