ВИДЕО| Путин во ненадејна посета на Мариупол: Возеше автомобил низ улиците на разурнатиот град
Рускиот претседател Владимир Путин дојде во ненајавена посета на Мариупол, што е негово прво патување во Донбас од почетокот на војната во Украина.
Путин синоќа со хеликоптер пристигна во Мариупол, возеше автомобил низ градските улици, застанувајќи на неколку локации, јавуваат руските медиуми.
Посетата на Путин на Мариупол следи по турнејата на Крим на деветгодишнината од анексијата.
The Kremlin says Vladimir Putin visited Mariupol, the Ukrainian city Russia’s invading army razed to the ground, overnight by helicopter.
This is a show of defiance after the ICC arrest warrant – Ukraine says 1,000 of the 14,700 children Russia abducted are from Mariupol. pic.twitter.com/vtyuTbEtY1
— max seddon (@maxseddon) March 19, 2023
Со пристигнувањето во Мариупол, Путин се доближи најблиску до првите линии од фронтот од почетокот на рускиот напад врз Украина која започна пред повеќе од една година.
Рускиот вицепремиер Марат Хуснулин на рускиот лидер му предаде детален извештај за работите за обнова на градот и неговата периферија.
Меѓународниот кривичен суд во петокот издаде налог за апсење на Путин, обвинувајќи го за воено злосторство илегално депортирање на стотици деца од Украина.
